Má ekki hækka eftirlaun vegna lágra launa á almennum markaði!

2.ágúst 2017

Ég las þessi rök einhvers staðar í gær.

Það má ekki hækka bætur almannatryggingakerfisins vegna þess að þá gætu þær farið upp fyrir lægstu laun í landinu.

Er ekki eitthvað einkennilegt við þetta?

ASÍ á að sjá um að lægstu laun í landinu sé mannsæmandi.

Það er ekkert samhengi á milli þess sem eftirlaunaþegi, sem hefur safnað í Lífeyrissjóð allt sitt líf, megi ekki hafa hærri tekjur þegar að síðasta æviskeiðinu kemur, en sá sem er með lægstu laun á almennum vinnumarkaði.

Þetta eru hins vegar rök sem færa ráðherra velferðarmála andmæli á gulldiski.

Það er fullt af fólki á hinum almenna vinnumarkaði sem fær greidd skammarlega lág laun fyrir vinnu sína .

Láglaunastefna vinnuveitenda er til háborinnar skammar og ekki bætir úr þegar ráðið er ódýrt vinnuafl frá löndum sem berjast í bökkum og geta engan vegin greitt þegnum sínum laun sem hægt er að lifa af.

Haldið þið til dæmis að Portúgalarnir vildu ekki frekar búa í heimalandi sínu og vinna þar? Mundu þeir ekki skipta ef þeir fengju laun sem hægt væri að lifa af í Portúgal? Ég er ansi hrædd um að hjá mörgum væri svarið JÁ.

Hvað með Kínverjana sem fara til Íslands í gjörólíka menningu og tungumál sem er ómögulegt að læra? Haldiði að þeir vildu ekki frekar vera í landinu sínu en að hýrast í ömurlegum aðstæðum á ísköldu Íslandi?

Ég þekki nokkra Kínverja sem vildu mikið gefa til þess að þurfa ekki að búa á Íslandi, jafnvel þó um skamma stund sé að ræða.

Vinnuveitendur ráða ekki útlendinga til starfa til þess að borga þeim almennileg laun.

Áður en allt verður vitlaust og ég hengd upp á löppunum í athugasemdum, þá tek ég fram að það eru örfáir vinnuveitendur á Íslandi sem borga útlendingunum sömu laun og íslendingum. Það er hins vegar undantekning.

Við megum ekki falla í þá gryfju að rökstyðja lágar bætur almannatryggingakerfisins með lágum launum á vinnumarkaðinum.

Það kemur málin ekkert við hver láglaunastefna ASÍ og Vinnuveitendasambandsins er.

ASÍ er grútmáttlaust og fyrir ofan skilning venjulegs fólk fyrir hverja það er að vinna. Ég er viss um að þó reynt væri að skýra tilganginn, á hvaða máli sem er, gæti enginn skilið stefnu ASÍ.

Það væri nær að berjast fyrir því að allir hefðu laun sem samsvöruðu framfærslu viðmiðum opinberra aðila. Það væri ekki slæm barátta og gætu ábyggilega margir sameinast um hana.

Allir, eða margir, verða gamlir og þurfa á eftirlaunum að halda.

Það er nefnilega svo einkennilegt að þó fólk sé komið yfir 67 ára aldurinn þarf það áfram að borða og hafa föt til þess að klæða sig í. Þetta fólk þarf líka að hafa húsaskjól, rétt eins og þeir sem yngri eru. Eftirlaunaþegar eru bara venjulegt fólk sem hefur nokkur ár í pokahorninu sem unga fólkið hefur ekki, en vonandi verður allt unga fólkið líka þeirra gæfu aðnjótandi að fá að lifa eftir 67 ára.

Öryrkjar eru líka bara venjulegt fólk. Þeir eru fólk á öllum aldri, það er að segja innan við 67 ára, og það eina sem skilur þá frá hinum er að þeir hafa veikst, orðið fyrir slysi, fæðst fatlaðir eða, og það er tengt hinni voðalegu láglaunastefnu landsins, að þeir hafa misst alla von og veikst vegna harðræðis aðstæðna.

Mannúð og samhugur voru einu sinni talin göfug hugtök. Hvað varð um  þessi hugtök? Gufuðu þau upp í græðginni og eigingirni?

Hulda Björnsdóttir

 

 


« Síðasta færsla | Næsta færsla »

Athugasemdir

1 Smámynd: Kolbrún Hilmars

Láglaunafólk sem hefur kr. 300 þús á mánuði þykir ekki meira láglaunað en svo að hið opinbera tekur til sín uþb 19% af laununum í tekjuskatt.
Lágu launin yrðu þannig bærilegri ef skatturinn léti sér nægja hinn háa virðisaukaskatt sem enginn kemst hjá að greiða.

Kolbrún Hilmars, 2.8.2017 kl. 12:47

2 Smámynd: Jóhann Elíasson

Góður og þarfur pistill Hulda en því miður virðist áhuginn ekki vera mikill.  Kannski ættum við líka að fara að endurskoða virðisaukaskattskerfið hjá okkur, ég er að vinna ansi áhugavert verkefni í tengslum við nám sem ég er í og stefni ég að því að skila þessu verki af mér í desember á þessu ári.  Í þeim gögnum sem ég hef til ráðstöfunar kemur fram að endurgreiðslur virðisaukaskatts til stóriðjufyrirtækjanna hafi verið 256.514 MILLJARÐAR á árunum 2011-2015.  ER EKKI EITTHVAÐ AÐ?????

Jóhann Elíasson, 2.8.2017 kl. 14:06

3 Smámynd: Hulda Björnsdóttir

Sæll Jóhann

Jú það er eitthvað að. Það er eitt og annað sem þarf að endurskoða í þessu ágæta landi.

Vonandi fæst gott fólk til þess að bjóða sig fram til alþingis og hugsjónir fá að ráða þar ríkjum en ekki eintóm eiginhagsmuna gróðahyggja.

Hulda

Hulda Björnsdóttir, 3.8.2017 kl. 09:00

4 Smámynd: Hulda Björnsdóttir

Sæl Kolbrún Hilmars

Ég er svo hjartanlega sammála þér með skattinn.

Það virðist ekki vera hægt að koma því inn hjá þeim sem stjórna landinu, sama hver er, að lægri skattprósenta skilar sér inn í kassann. Það sem ekki er tekið í skatt notar fólk til framfærslu og borgar virðisaukaskatt.

Hugsanagangur stjórnvalda er stundum alveg út í Hróa.

Vel á minnst. Persónuafsláttur í dag er lægri en hann ætti að vera samkvæmt upphaflegum tilgangi.

Það eru atkvæði þessa hóps sem skipta máli en er boðið upp á eitthvað sem gæti skipt sköpum í íslenskum stjórnmálum í dag?

Ég veit það ekki.

Hulda

Hulda Björnsdóttir, 3.8.2017 kl. 09:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband