Njóttu lífsins

Ég skrifaði á WordPress bloggið mitt grein um ótrúlega fullyrðingu Ástþórs Magnússonar um skatt frelsi í Portúgal.

Ég bið ykkur að lesa það sem ég skrifaði.

 

Það er einnig hægt að sjá póstinn á Facebook síðu minni

Hulda Bjornsdottir

en þar póstaði ég þessum pistli public.

 

Ég bara nenni ekki að skrifa þetta allt hér því ekki er hægt að peista

með kveðju

Hulda Björnsdóttir


Bloggið mitt fer í frí og kemur kannski ekki aftur

29.október 2017

Góðan dag

ég veit að það eru örfáir vinir mínir sem hafa fylgst með þessu bloggi mínu og skrifa ég nú fyrir þá:

Ég þakka ykkur fyrir að hafa stutt mig á fyrstu skrefum í blogg heiminum.

Nú ætla ég að hætta að blogga hér og snúa mér alfarið að WordPress bloggi sem er mun áhugaverðar fyrir mig og þar ætla ég að gera það sem mér finnst skemmtilegt.

WordPress bloggið er á ensku en framtíðin gæti orðið að sum þeirra yrðu á Portúgölsku. þar verður ekkert á íslensku.

Ég næ til fleiri íslendinga með því að skrifa á Facebook síðuna mína "Á milli lífs og dauða"

Þar skrifa ég venjulega eitthvað næstum daglega og hef fleiri sem lesa en hér á þessum vettvangi.

Einnig mun ég auðvitað halda Facebook síðunni minni -Hulda Bjornsdottir - opinni og er hægt að fylgjast með mér þar, en flest sem ég birti þar er aðeins fyrir Facebook vini.

Nú er búið að kjósa á Íslandi og aftur verða spillingaröflin sterkust.

Ég nenni hreinlega ekki að tala um það lengur, allavega ekki hér á þessum vettvangi.

Ég þakka enn og aftur þeim vinum mínum sem studdu mig á fyrstu skrefum í bloggheimi og veit að þeir hafa fært sig yfir á WordPress.

Með kveðju

Hulda Björnsdóttir


Ellilífeyrir frá TR er krónur 228.734 fyrir skatt ,

14.október 2017

Ég neita að gefast upp fyrr en í fulla hnefana.

Ellilífeyrir er nákvæmlega krónur 228.743 fyrir skatt, fyrir alla.

Þeir sem tala um annað eru að rugla saman lífeyri og uppbótum.

Uppbætur eru ekki lífeyrir.

Það sitja ekki allir við sama borð.

Þeir sem búa ekki einir, sama hvort þeir eru í hjónabandi, sambúð eða hreinlega búa hjá börnum sínum fá ENGAR UPPBÆTUR.

Þeir sem búa erlendir fá EKKI HEIMILISUPPBÓT.

Heimilisuppbót er EKKI ellilífeyrir.

Er hugsanlegt að þeir sem eru að skrifa um kjör eldri borgara og öryrkja geti troðið þessu inn í kollinn á sér?

Er hugsanlegt að herinn og félög eldri borgara geti skilið þetta?

Er það virkilega svo að aðeins einn stjórnmálaflokkur skilji þetta?

Ég bara spyr.

Hulda Björnsdóttir

 


Er hækkun skatta á fyrirtæki góð lausn ?

12.október 2017

Það er hávær umræða núna um að hækka skuli skatta á fjárans fyrirtækin sem mala gull og taka ekki almennilegan þátt í þjóðfélaginu.

Já, þessi fyrirtæki ættu auðvitað að vera til þess hæf að borga almennilega skatta og þá væri kannski hægt að lækka skatta á almennilegu venjulegu fólki. Eða hvað?

Þegar við tölum svona þá er þekkingarleysi svolítill þröskuldur á leiðinni og rökin verða léttvæg.

Hugsum okkur lítið eða miðlungs fyrirtæki með fólk í vinnu. Þetta fyrirtæki borgar ekkert sérlega há laun og framleiðslan er ekki í billjónum á mánuði. Samt sem áður er gott að hafa þetta smáfyrirtæki með. Það hefur fólk í vinnu sem annars væri ef til vill atvinnulaust og á atvinnuleysis bótum.

Nú er komið að útborgunardegi hjá fyrirtækinu og það leggur launin inn á reikning þeirra sem vinna fyrir það. Það er búið að draga af framlag launþega í lífeyrissjóð, þið vitið þetta sem hver einn verður að borga til þess að eiga almennilegt ævikvöld! Svo er dregið af félagsgjald og skattar að frádregnum persónuafslætti.

Fyrirtækið greiðir svo allt það sem afdregið hefur verið um miðjan mánuðinn. Ekkert nema gott um þetta að segja. Þetta eru jú lögbundin gjöld sem launþeginn á að greiða og vinnuveitanda ber að halda eftir og gera skil á þegar hið opinbera segir NÚNA.

Hins vegar er svoldið sem almenningur veit ekki um. Það eru launatengdu gjöldin sem fyrirtækið borgar líka um miðjan mánuðinn.

Það er mótframlag vinnuveitanda í Lífeyrissjóð, mótframlag í séreignasparnað, Tryggingagjald og alls konar gjöld sem ég man ekki í bili hver eru.

Mig minnir að einhvern tíman hafi verið talað um tugi prósenta í launatengd gjöld.

Litla fyrirtækið borgar líka skatta fyrir sig.

Nú vilja hinir margvitru sérfræðingar, sem ætla sér að setjast á alþingi eftir kosninga, að skattar á fyrirtæki verði hækkaðir. Jú, það er lausnin segja þeir, fyrirtækin borga arð og alles og eru ekkert of góð til þess að greiða hærri skatta.

Hærri skatta á fyrirtæki, skal það vera.

Ég er enn með litla fyrirtækið eða miðlungs stóra fyrirtækið í huga.

Hvað verður um það ef skattar á það hækka?

Hvað verður um fólkið sem vinnur hjá litla fyrirtækinu? Missir það vinnuna af því að fyrirtækið hefur ekki bolmagn til þess að borga hærri skatta?

Ég bara spyr.

Er ekki betra að hafa skattana eins og þeir eru á smá fyrirtæki og leyfa þeim að halda áfram rekstri í stað þess að mergsjúga þau inn að beini og drepa starfsemina og henda starfsfólkinu inn í atvinnuleysis hítina?

Moldrík fyrirtæki eins þau sem PANAMAPRINSARNIR eiga geta auðvitað borgað himinháa skatta. Skárra væri það nú. Mér svo alveg hjartanlega sama um þeirra afkomu og afkoma þeirra sem borga milljónir í bónusa bara fyrir það eitt að mæta í vinnuna er auðvitað fyrir ofan mína meðaumkun.

Gætum að litlu og meðal stóru fyrirtækjunum. Pössum upp á þau. Þar er fólk sem hefur lífsviðurværi sitt og virðingu innan borðs. Launþegar þeirra fyrirtækja eru ekki með milljónir á mánuði í laun. Nei þeir launþegar eru með lágmarkslaun, en það eru þó laun.

Hafi fyrirtæki efni á milljóna bónusum er eitthvað mjög mikið að. Ég er sammála því að svoleiðis fyrirtæki eigi að leggja meira til samfélagsins.

Þeir sem hafa sankað að sér 90 prósent af þjóðarauðnum eru ekkert of góðir að borga 50 prósent skatt, eða kannski 48 prósent svo þeim líði betur að það sé ekki 50 prósent. Þetta hefur með hugarsýnina að gera, skijiði.

Í lokin ætla ég svo enn eina ferðina að minnast á upphæð ellilífeyris sem er krónur 228.734 fyrir skatt. Hann er þetta samkvæmt nokkurra daga gömlum upplýsingum af vef TR. Hættið að núa mér því um nasir að svo komi nú heimilisuppbót og þá sé þetta orðið bara dáldið góð upphæð.

Heimilisuppbót er ekki ellilífeyrir. Hún er uppbót, rétt eins og uppbót v. reksturs bifreiða og eitthvað fleira sem hægt er sækja um. Svoleiðis uppbætur eru bara fyrir útvalda, fáa útvalda.

Pólitíkusarnir bjuggu til þessa heimilisuppbót, fyrir suma, svo þeir gætu hælt sér af því að lífeyririnn sé 280 þúsund og verði bráðum hvorki meira né minna en 300.000. Þetta er lygi og ekkert annað sem kjósendur eiga ekki að éta hráa.

Þeir sem búa ekki einir, sama hvort þeir eru giftir eða ekki, og þeir sem búa erlendis fá ekki heimilisuppbót.

Er þetta ekki alveg kýrskýrt?

Hulda Björnsdóttir


Getur foreldri þitt lifað af krónum. 228.734 á mánuði?

10. október 2017

Getur foreldri þitt, frænka þín, amma þín, systir þín eða annar ættingi lifað af tekjum sem eru 228.734 á mánuði fyrir skatt?

Hefur þú hugsað út í hvað er hægt að gera fyrir þessa upphæð mánaðarlega?

Hefur þú hugleitt að margir eldri borgarar þurfa að lifa af þessari upphæð?

Veistu hvað ellilífeyrir er hár?

Hann er 228.734 krónur á mánuði fyrir skatt samkvæmt því sem gefið er upp á vef TR.

Já en það er heimilisuppbót fyrir þá sem búa einir, gætir þú sagt.

Það er rétt. en heimilisuppbót er ekki lífeyririnn, hún er uppbót. Það eru fleiri uppbætur sem hægt er að fá að uppfylltum skilyrðum.

Heimilisuppbót er ekki fyrir þá sem búa hjá öðrum.

Hún er ekki fyrir þá búa erlendis.

Hún er bara fyrir örfáa, það sama á við uppbót vegna reksturs bifreiðar. Svo er hægt að sækja um eitt og annað þegar maður er orðinn 67 ára en ellilífeyrir hækkar ekki við það.

Hann er 228.734 krónur og ekki krónu meira. Þá er eftir að taka skatta.

Ef þú ert stjórnmálamaður, veistu þetta þá? Er þetta inni í huganum á þér þegar þú talar um hve dásamlegt það er að lifa af 228.734 krónum á mánuði?

Viltu ekki bara prófa og sjá hvernig þetta gengur fyrir sig. Kannski ert þú frambjóðandi sem hefur ráð undir hverju rifi og getur kennt okkur vesalingunum að lifa lifandi af þeim eftirlaunum sem við höfum unnið fyrir alla okkar starfsævi með því að greiða skatta og skyldur til íslenska ríksins.

Þið sem skammtið okkur og eruð að hamast við að telja okkur trú um hvað allt sé dásamlegt gætuð kannski stigið niður úr valdastólunum og skoðað almenning.

Það kemur eitt og annað í ljós við svoleiðis athugun.

Fyrrverandi velferðaráðherra rífur líklega upp meðaltals exels skjalið sitt og svo falla kjósendur á kné og tilbiðja herrana og trúa hverju sem er borið á borð.

Þið sem eigið foreldra, afa eða ömmu, ættingja eða vin sem er orðinn 65 ára gætuð kannski aðeins skoðað málið og haft í huga að skammturinn er 228.734 króngur á mánuði fyrir skatt.

Eða getið þið það ekki? Er ykkur kannski alveg sama?

Hulda Björnsdóttir


Hver er hinn raunverulegi ellilífeyrir frá TR?

3.október 2017

Fyrir nokkrum dögum spurði ég á Facebook síðu minni hver væri ellilífeyrir frá TR.

Nokkur, voða fá, svör komu.

Hvers vegna var ég að spyrja að þessu? Það er hægt að finna þetta á vef TR og óþarfi að varpa fram svona heimskulegum spurningum, eða hvað?

Tilgangur minn var að beina umræðunni að því óréttlæti sem ég tel vera í gangi varðandi ellilífeyrir og skal ég nú útskýra mál mitt í fögrum orðum.

Samkvæmt útreikninga blaðinu hjá TR er ellilífeyrir kr. 228.734 og heimilisuppbót kr. 52.316

Samkvæmt lögunum er ellilífeyrir kr. 227.883 og heimilisuppbót kr. 52.117

Hér munar aðeins. Ef tekin er tala laganna er upphæð lífeyris  plús heimilistryggingar 280.000 en ef tekin er tala upplýsinga blaðs TR er talan 281.050

Ekki stór munur en þó aðeins.

Þessi munur er ekki það sem skiptir máli í mínum rökum.

Það sem skiptir máli er að alltaf er talað um ellilífeyri plús heimilisuppbót, sem er að mínu mati kolrangt.

Það fá ekki allir heimilisuppbót.

Þeir sem búa ekki einir fá hana ekki.

Þeir sem búa erlendis fá hana ekki.

Hættum að tala um ellilífeyri sem þessar tvær tölur hengdar á sömu spýtuna.

Förum að tala um grunnlífeyrinn sem er það sem allir fá, það er að segja krónur 227.883 samkvæmt lögunum.

Grunnlífeyririnn er það sem skiptir máli. Allt annað eru uppbætur sem eru háðar hinu og þessu, aðallega þessu.

Þorsteinn Víglundsson hefur barið sér á brjóst og talað um þessi 280 þúsund. Ég hef aldrei heyrt hann segja frá því að þetta er tala rétt fyrir suma og að ekki sitji allir við sama borð.

Panamaprinsinn ber sér á brjóst yfir því hvað allt sé dásamlegt hjá þeim sem eru yfir 65 ára.

Hættum að kóa með stjórnmálapípunum sem hafa ekki hugmynd um, sumar hverjar, hvernig líf venjulegs fólks er.

Hættum að tala um 280 þúsund krónur.

Förum að tala um 227.883 eða 228.734 krónur sem er lífeyrir sem allir fá, auðvitað áður en niðurskurðarhnífur stjórnvalda tekur sig til og sker eins og hægt er af kökunni.

Mér er rétt sama hvor talan er notuð, svo framarlega sem ekki er klínt heimilisuppbót við.  Það mætti alveg eins klína inn bifreiða reksturs uppbót eða einhverju öðru sem er hægt að finna ef vel er að gáð.

ÞAÐ ER RANGT AÐ TALA UM ELLILÍFEYRI SEM KRÓNUR 280.000, HANN ER EKKI NEMA 228.734 KRÓNUR.

GETIÐI REYNT AÐ HAFA RÉTTAR TÖLUR Í UMRÆÐUNNI, PLÍS.

Hulda Björnsdóttir

 


Laugardagur - hugleiðing dagsins - sami ellilífeyrir fyrir ALLA

30. september 2017

Mánuðurinn á enda og nýr á morgun.

Tíminn flýgur áfram rétt eins og enginn sé morgundagurinn.

Hvert fer tíminn?

Ég veit það ekki.

Allt logar nú í stjórnmálum um Ísland gjörvallt og ég nenni ekki að taka þátt í vitleysunni.

Eitt verð ég þó að segja.

Samstaða varðandi málefni eldri borgara virðist ekki vera yfirþyrmandi.

Fundur í Háskólabíói, Haustþing.

Fundur í Háskólabíói, Grái herinn

Fundur Harðar Torfa um hverja helgi.

Væri ekki hægt að sameina þetta eitthvað?

Tillaga mín til þeirra sem þykjast nú ætla að bæta kjör eldri borgara eftir kosningar er þessi:

Hættið að mismuna fólki eftir því hvort það er í sambúð eða hjónabandi, eða hvort það býr á Íslandi eða erlendis.

Komið á einum ellilífeyri sem er sama tala fyrir alla.

Hættið að skipta ellilífeyri niður í heimilisuppbót og lífeyri.

Þetta er mismunun sem á ekki að eiga sér stað en heimskir stjórnmálamenn hafa komið á.

Réttlætið er einn ellilífeyrir fyrir alla. Ekki mismuna fólki eftir hjúskaparstöðu eða búsetu.

Auðvitað vonlaus tillaga, en þó, kannski eru einhverjir sem koma inn nýir með eitthvað vit í hausnum á sér.

Ein spurning að lokum:

HVAÐA STJÓRNMÁLAFLOKKI TILHEYRIR GRÁI HERINN?

Ég tal mikilvægt að þetta verði gert opinbert, og komi herinn til með að svara ENGUM þá trúi ég því ekki.

Hulda Björnsdóttir


Sunnudagshugleiðing og ekkert annað.

24.september 2017

Kæru lesendur

það er ekki hægt að hætta að setja eitthvað hér inn jafnvel þó ég taki ekki þátt í bullinu sem tröllríður þjóðinni þessa dagana með loforðum um gull og græna skóga.

Hætti ég að blogga missi ég fylgisveina sem ég þarf á að halda eftir október svo hér kemur bara flott hugleiðing í tilefni dagsins.

Það er miður dagur hérna í Penela og sólin skín eins og enginn sé morgundagurinn. Ótrúlega fallegur haustdagur.

Í gær fór ég til Taveiro og horfði á fegurð haustsins renna framhjá mér meðfram þjóðveginum. Litirnir eru ótrúlegir. Vínviðurinn er rauður í öllum hugsanlegum tilbrigðum. Innan um og saman við eru þó litlu runnarnir sem voru bara sprotar vafðir flösku fyrir nokkrum mánuðum. Nú teygja þeir sig út fyrir skjólið og eru sumir allt upp í meters langir. Ja, ungviðið lætur ekki að sér hæða. Ég hef ekki séð neinn sprauta eitri á þessa nýju meðlimi og þau eru ekki skreytt með rauðum lit. Allavega ekki í bili.

Það er hátíð í dag hjá nágrannabæ mínum. Vínviðar klipping. Svo er öllu hvolft í stórar tunnur og stiginn villtur dans ofan á dýrðinni. Berfættar yngismeyjar á öllum aldri og flottir strákar dansa eins og enginn sé morgundagurinn. Stappa og stappa. Fyrir utan tunnurnar eru svo prúðbúnir hópar klæddir þjóðbúningum hvers bæjarfélags og alls konar félaga sem stíga örlítið þjóðlegri spor og allir þar í skóm enda hoppað á malbikaðri brautinni.

Ég nennti ekki að fara í geymið. Er búin að þrífa eins og vitfirringur í allan morgun og hringsnúa blómapottum og gljáfægja baðherbergið svo speglar eru óþarfir þar á næstunni. Vatn og edik þrifu gluggana sem eru ekkert smásmíði og síðan hellti ég úr garðkönnu yfir allt saman. Margar ferðir þar og óþarfi að fara í göngutúr þenna sunnudaginn. Nágrannarnir litu skelfingu lostnir upp til mín. Það er jú sunnudagur í kaþólsku landinu og maður þrífur ekki glugga að utan og djöflast í blómapottum. Það er allt í lagi að halda vöku fyrir útlendingnum þegar farið er í bað, ekki bara eitt heldur mörg, klukkan 2 um nóttina. Nei kaþólskan lætur ekki að sér hæða.

Líklega verða baðmotturnar mínar ekki orðnar þurrar þegar kvöldið skellur á svo þær verða að dúsa úti á snúru í nótt, en auðvitað innan við glervegg svo þær geta ekki verið að kvarta nein ósköp. Eins gott að ég falli ekki í yfirlið á steinflísarnar og brjóti eitthvað. Má ekki vera að því núna þar sem mánudagur er og ný vika að næsta leyti með öllu því sem svoleiðis fylgir.

Það eru hálfgerð vandræði hjá BRETAGREYJUNUM sem búa hérna í fínu húsunum sínum. Ríkisstjórnir okkar er nefnilega að láta sér detta í hug,í alvöru, að greyin gætu borgað skatta hjá okkur. Auðvitað algjör ósvífni en svona er þetta nú í Portúgalalandi.

Íslendings ræfillinn þarf að borga skatta, og er bara ánægð með það, en auðvitað er hún minna virði en hin háæruverðuga þjóð Bretar, sem eru nú reyndar að fara á hausinn held ég með brexitinu sínu þar sem að þjóðinni var logið til þess að hún kysi að fara burt.  Ég ætla ekkert að segja :Gott á ykkur! enda er ég svo ægilega kurteis eins og allir vita. 

Kellingin á neðri hæðinni í blokkinni minni kann ekki að loka útihurðinni. Hún er með 2 lása á innihurðinni sinni en skilur alltaf eftir opna útihurðina. Núna er farið að kólna og kuldinn læðist eins og draugur upp eftir veggnum og beint inn í stofu til mín. Svona kellingar eru gjörsamlega óþolandi.

Ég kyndi og kyndi og labba og labba niður stigann til þess að loka en allt kemur fyrir ekki. Næst þegar kellan fer út galopnar hún. Það er eitthvað einkennilegt við svona fólk, held ég.

Ekki er það ég sem er skrítin. Ó nei, ekki til að tala um.

Nú er ég byrjuð á afar áhugaverðum skrifum á WordPress. The outcast heitir hún og verður í mörgum köflum. Þar verður ekkert dregið undan. Allt upp á yfirborðið og margir gætu farið að skammast sín og skjálfa! Þetta er auðvitað skáldsaga en að baki hverjum skáldskap er alltaf einhver sannleikur. Og undrið er að sjálfsögðu á hinu ástkæra og ylhýra máli Ensku.

Með sunnudagskveðju til allra sem þetta lesa, hvort sem það eru vinir eða fó.

Hulda Björnsdóttir


Kosningar - enn einu sinni !!!!!!

22.september 2017

Enn einu sinni eru kosningar á Íslandi.

Kosningar sem farið er í miklum flýti.

All flestir þeir sem nú sitja á alþingi ætla að bjóða sig fram.

Spillingarliðið heldur velli.

Nú hamast hver sem betur getur að rakka niður allt og alla.

Ég nenni ekki að taka þátt í þessu leikriti.

Það breytist ekki mikið eftir þetta upphlaup.

Það er enginn tími til þess að gera upp mál eða búa til nýjar góðar stefnuskrár.

Ég sé ekki betur en hjakkið haldi áfram.

Þegar búið verður að kjósa og loforðin fara að koma upp á yfirborðið sem hrein svik ætla ég að blanda mér í umræðuna.

Eins og ég hef sagt svo oft áður þá veikist þingheimur heiftarlega við undirskrift drengskaparheits. Þá verða allir minnislausir og gleyma því af hverju þeir fengu atkvæði kjósenda, enda skipta kjósendur ekki máli lengur, þeir eru búnir að sinna sínu hlutverki: Þeir hafa tryggt launaumslag þingheims.

Fólk á efri árum, yfir 65 ára, hættir að skipta máli. Það hættir að vera mikilvægt að bæta kjör þessa hóps, eða þess parts af honum, sem hefur ekki yfir hálfa milljón á mánuði.

Öryrkjar fara líka út í hafsauga. Þeir greiddu atkvæði og það er nóg.

Láglaunafólk, já láglaunafólkið er svo stór hópur að það gæti sett gróðapungana út á gaddinn ef þeirra laun hækkuðu, það er láglaunafólksins.

Nei, gróðapungar eru þeir sem hugsað er um og hagsmuna gætt hjá þeim hópi. Þetta er ekki sérlega stór hópur en hann er voldugur og ríkur, ægilega ríkur.

Það skiptir litlu máli hvernig siðferðið er hjá hinum ríkustu.

Undanfarnar fréttir af uppáskriftum segja alla söguna um siðferðið.

Hulda Björnsdóttir

 

 

 


Sjálfstæðisflokkurinn verður við stjórn eftir kosningar !

19 september 2017

Bara rétt til þess að sýna fram á frábæra spádómsgáfu mína þá rita ég þetta.

Sjálfstæðisflokkurinn mun verða í ríkisstjórn eftir kosningar árið 2017.

Annað veit ég ekkert um.

Ég veit ekkert hver leggst svo lágt að sænga með honum.

Yngri kynslóðin nennir ekki á kjörstað

Eldri borgarar kjósa flokkinn, eða að minnsta kosti 30% þeirra.

Mér þætti ekki ólíklegt að VG sængaði með þeim bláu, enda fer grænt og blátt svo vel saman og verður svona svoldið fjólublátt með rákum.

Þjóðarinnar vegna vona ég að hér með sé spádómsgáfa mín dauð.

Megi allar góðar vættir vaka yfir dauðadæmdri þjóð sem lætur hafa sig að fífli ár eftir ár eftir ár eftir ár og vitkast aldrei.

Ég verð líklega dauð eftir nokkur ár og mikið ofboðslega er ég þakklát fyrir að vera ekki 50 ára núna og eiga eftir marga áratugi.

Það er gott að sjá fram á að þurfa ekki að horfa upp á sauðsvartan almenning litlu grænu eyjunnar í norðri koma sjálfum sér fyrir kattarnef.

Því meira sem logið er að þjóðinni því hlýðnari og undirgefnari verður hún.

Hulda Björnsdóttir

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband